هەواڵگری عراق تیرۆرستیگ دەسگیر کەێد ٥٠ بومب لە سەڵاحەدین داناگە

شەفەق نیوز/ ئاژانس هەواڵگری سەروە وەزارەت ناوخۆی عراق، ئمڕوو دووشەممە، تیرۆرستیگ دەسگیر کرد وەرپرسە لە دانایان نزیکەی ٥٠ بومب لە پارێزگای سەڵاحەدین.

شانەی راگەیانن ئەمنی لە بەیاننامەیگ رەسیە ئاژانس شەفەق نیوز وت: لە چوارچێوەی مینەکردن چەتەیل تیرۆری، و لە بنەمای چەودیریکردن مەیدانی و هونەری، مەفرەزیل هەواڵگری توێنستن تیرۆرست ناودیاریگ لە چەتەیل داعش دەسگیر بکەن لە دیوان حسبەی سەڵاحەدین کار کردگە.

شانەگە وتیش: لەناو لێکۆڵینەوەیل وەرد تیرۆرستەگە، ئاشکرای بەشداریکردنی لە چەن پەلاماریگ لەبان هێزە ئەمنیەیلە کرد، و هەمیش زیاتر لە ٥٠ بومب داناگە و تەقانیەسە بان هێزە ئەمنیەیلە لە قەزای بێجی.