١٦٠ هەزار رەد کەێد...بەرزەوبوین گەپیگ لە نرخ دۆلار لە بەغدا و هەولێر

١٦٠ هەزار رەد کەێد...بەرزەوبوین گەپیگ لە نرخ دۆلار لە بەغدا و هەولێر
2023-01-17T07:27:55+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو سێشەممە، لە بۆرسەی سەرەکی بەغداد پایتەخت و هەولێر بەرزەوبوی .    

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 160500 دینار عراقی وەرانوەر 100 دۆلار ئەمریکی.  دویکە دووشەممە، نرخ دۆلار رەسیە 157300‌ دینار عراقی وەرانوەر 100 دۆلار ئەمریکی.    

پەیامنێرمان وتیش؛ نرخ فرووشتن و سەنین لە دوکانەیل بەغداد  رەسیە 161000 دینار عراقی وەرانوەر 100 دۆلار ئەمریکی، و نرخ سەنینی رەسیە 160000 دینار.     

لەهەولێر پایتەخت  هەرێم کوردستانیش نرخ دۆلار بەرزەوبوین وەخوەیدی، ک نرخ فروشتن رەسیە 159700 عراقی وەراوەر 100 دۆڵار ئەمریکی، و نرخ سەنینی 159675 عراقی وەرانوەر 100 دۆلار ئەمریکی.

Shafaq Live
Shafaq Live