هیزەیل ئەمنی عراق دوو بازرگان مادەی هووشبەر کوشن لە رویداوەیل جیاجیا

هیزەیل ئەمنی عراق دوو بازرگان مادەی هووشبەر کوشن لە رویداوەیل جیاجیا
2023-01-08T08:11:51+00:00
شەفەق نیوز/ سەرچەوەیگ ئەمنی وەرپرس، شەوەکی ئمڕوو یەکشەممە، خەوەردا لە کوشیان بازرگانیگ مادەی هووشبەر لەدویای ئەوەگ رویوەروی بوینەوەیگ لەنیوان بارزگان مادەی هووشبەریگ و هیزەیل ئەمنی رویدا لە خوەرهەڵات بەغدای پایتەخت.

سەرچەوەگە وئاژانس شەفەق نیوز وت، یەکیگ لە بازرگانەیل هووشبەر رویوەروی هیزیگ لە وەرێەوبەرایەتی دژە مادەی هووشبەر کەرخ وسیایە لە وەخت ئۆپراسیۆن دەسگیرکردنی لەناوچەی ئەمین لە خوەرهەڵات بەغدا.

سەرچەوەگە وتیش لە رویوەروی بوینەوەگە تەقەکردن لەنیوان هەردگ لا رویدایە، لەئەنجام داواکریاگ کوشیایە و دەسنریاس وەبان یەک کیلوگرام و نیم لە مادەی کریستال و مادەیل جویراوجور هووشبەر و دەوانچە.

وە لایگیش وەزارەت ناوخوەی عراق ئمڕوو لەبەیاننامەیگ وت، هیزەیل لە ئاژانس هەواڵگیری و لێکۆڵینەوی فیدراڵی، و هیزیگ لە بەش لێکۆڵینەوەی تایبەت وە هووشبەر کەرخ توەنستن ئەرکیگیان جیوەجی بکەن لە ناوچەی ئەمین و بازرگانیگ مادەی هووشبەر دەسگیربکەن.

وەپای بەیاننامەگە توومەتبارەگە تەقەلای رویوەرویبوینەوەی هێزەیل ئەمنی دایە تەقە لەلی کریاس توومەتبارەگە زەخمدارە، لەدویای کلکردنی ئەرا خەسخانە گیان لەدەسدایە، دیاریکرد نزیکەی یەک کیلوو و 330کگم لەمادەی کریستال و دەوانچە وەپی بویە.

Shafaq Live
Shafaq Live