ژنیگ ئەسیوپی زیاتر لە ٤٠٠ هەزار دۆلار لە ماڵیگ لە بەغداد دزێد
2022-12-28T12:10:04+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە دەسگیرکردن ژنیگ ئەسیوپی، ماڵ کەسیگ لە بەغداد وەڕیەو بەێد، زیاتر لە ٤٠٠ هەزار دۆلار و تەڵا لە ماڵەگە دزیە، و خاوەن ماڵەگە واز لە سکاڵا هاودریە و دووارە خستیەسەی کار.
سەرچەوەگە ئەرا ئاژانس شەفەق نیوز وت: دزیکردن لە جادەی ١٤ رەمەزان لە ناوچەی مەنسور بەغداد بویە، و هەنای تیم لێکۆڵینەوە رەسیەسە شوین رویداوەگە، دەرکەفت ک ژنیگ ئەسیوپی کار لەو ماڵە کەێد، ٤٠٠ هەزار دۆلار پویل، و ٧٨٠٠ دۆلار تەڵا وەگەرد موبایلەیل ماڵەگە دزیە.
سەرچەوەگە دیاری کرد ک توومەتبارگە دەسگیر کریا، دویای پەیوەندیکردن وەرد کۆمپانیای تایبەت وە هاوردن خانمەیل ئەرا کارکردن لە ماڵەیل، ک ئاگادار پولیس کردن ک ژنەگە خوازێد بچوودە دەیشت عراق، وتیش: خاوەن ماڵەگە چشتە دزیایەیلی گلەو دا و رازی وە ریکارەیل سزادان ژنەگە نەوی، و بڕیار دا دووارە ژنەگە لە ماڵی بخەێدە کار.
