٩ مردن و ٩ زەخمداری وە رویداو هاتوچ لە بەغدا و دوو پارێزگا
2022-08-11T06:20:31+00:00
شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە مردن 6 کەس، ئەندامیگ ئەمنی هاناویان و زەخمداری نۆ کەس وە رویداو هاتوچو لە بەغدای پایتەخت و پارێزگایەیل کەرکوک و دیوانیە.
سەرچەوەگیگ وە ئاژانس شەفەق نیوز وت: سێ کەس شەوەکی ئمڕوو گیان لە دەسدانە وە رویداو هاتوچو لە وە لەیەکدان دوو ماشین لە جادەی فرۆکەخانەی موسەنا لە بەغدای پایتەخت.
سەرچەوەگە خەوەردا لە لە رویداو پلیان ماشینیگ هوندای ستارکس لەبان ری خێرای دیوانیە- بەغدا نزیک خواردنگەی ئەنوار موستەفا لە پارێزگای دیوانیە وە مدووی خێرایی فرەیگ و بی ئاگایی، لەئەنجام دوو کەس مرد و نۆیش زەخمداربوی.
هەمان سەرچەوە دیاری کرد لە کەرکوک ئەندامیگ لە بنکەی کاروان فریاکەفت کەرکوک لە وەرگیری شارستانی گیان لە دەسدایە وە رویداویگ هاتوچو لە پارێزگای کەرکوک.
