لە عراق.. ٣٠ تویشهاتن وە تەو خوەینوەربوین ٧ لەلیان مردگە لەناو ساڵ ٢٠٢٣
2023-04-27T12:26:10+00:00
شەفەق نیوز/ وەزارەت تەندروسی عراق، ئمڕوو پەنجشەممە، توومارکردن دەیان تویشهاتن وە تەو خوەینوەربوین لە وڵاتەگە لەناو ئی ساڵە راگەیان.
لە تاوسان گوزەشتە، عراق نزیکەی ٢٠٠ تویشهاتن وە تەو خوەینوەربوین توومار کرد، ٣٠ بیمار لەناویان گیانیان لەدەس دان، فرەیان لە ناوچەیل باشوور وڵاتەگە بوین.
وەزارەتەگە ئمڕوو ئامار تویشهاتنەیل ئی پەتای مەرگبارە لە ساڵ ٢٠٢٣ راگەیان، ک وت: ٣٠ تویشهاتن وە تەو خوەینوەربوین توومار کریاگە.
وەگورەی ئامارەگەر هەفت کەس لەناو ئەو بیمارەیلە گیانیان لەدەس دانە.
تەو خوەینوەربوین، بیمارییگ ڤایرۆسیە، ربژەی مردن لەناو تویشهاتگەیلی رەسێدە ٤٠٪، وەگورەی قسەی ریخریاگ تەندروسی جەهانی.
