لە بەغداد و دیالە.. کوشیان مەدەنییگ و پەیاکردن رفیاییگ
شەفەق نیوز/ سەرچەوەیلیگ ئەمنی، ئمڕوو سێشەممە، خەوەردان لە کوشیان مەدەنییگ و پەیاکردن رفیاییگ لە بەغداد و دیالە.
سەرچەوەیگ ئەمنی لە پارێزگای دیالە ئەرا ئاژانس شەفەق نیوز وت: کابرایگ مەدەنی وە رویداو نادیاریگ لە دەورگرد ناحیەی جەلەولا گیانی لەدەسدا، وتیش: دەسەڵاتەیل پەیوەندیدار لێکۆڵینەوە لە رویداوەگە واز کردن و تەرم قوربانیەگە ئەرا پزشک دادوەری بردن.
لەلاییگتر، سەرچەوەیگ ئەمنی لە بەغداد پایتەخت ئەرا ئاژانس شەفەق نیوز وت: هیزیگ ئەمنی کابرایگ مامووستا وەدەس بەسیاگ پەیا کرد و زەخم سووکیگ لەسەری بویە، لەنزیک کارخانەی چەمەنتو لە ناوچەی موعەسکەر رەشید، و وەقسەی ئەو کابرا گوایە لەلایەن کەسەیلیگ نەناسریاگ لە دەروازەی ناوچەی وەشاش رفیایە.
سەرچەوەگە وتیش: ژن پیاوەگە وەرجە چوار رووژ ئاگاداری لە رفیانی توومار کردیە، و داوای سکاڵا وەبان دوو کەس کردیە ک خوەی ناسێدەیان.
