کەشناسیگ هوشداری دەێد لە واران رفتیگ ک بوودە هووکار لافاو لە باشوور عراق

شەفەق نیوز/  کەشناس عەلی جابر زیادی، ئمڕوو چوارشەممە، پیشبینی کەێد شارەیل فورات ناوراس و باشوور عراق شەپیگ واران رفتیگ وە خوەیان بوینن ک بوودە هووکار لافاو لە ریەیلە و لە رووژ جومعەی ئایندە دەسوەپی کەێد.

 زیادی وە ئاژانس شەفەق نیوز وت؛ بڕیگ ناوچە ئاگادار بوون لە رفتی وارانەگە وە تایبەت شارەیل باشوور و فورات ناوراس، و بوودە هووکار نقومبوین ری و ناوچەیل نزم.

ئاشکەرایکرد" چەوەڕێ کریەێد بارودۆخ واران وارین چەن رووژیگ وەردەوام بوود وەرد ماوەی پچڕ پچڕ فرەجار گڕمەهڕ و تەرزە ها وەگەردی".

زیادی دیاریکرد" شارەیل ناوراس باکوور هاتێ دەرفەت واران وارین بیاشتوون لەناوچەیل جیاوزیان، باوجی پسایگ واران وارینترەک هەس لە نیمەی هەفتەی ئایندە پیشبینی کریەێد بادە ناو وڵاتەگە".

وتیش" تا کۆتایی ئی مانگە دەرفەت واران وارین هەس لە وەختەیلیگ یەک لەدویای یەک".