شەپوولیگ وارانوارین روی لە عراق کەێد
2022-12-21T08:15:37+00:00
شەفەق نیوز/ کەشناسیگ عراقی، خەوەردا ئمڕوو چوارشەممە لە ناوڕاس و باشوور وڵاتەگە وارانوارین دەسوەپی کەێد، ئاشکەرایکرد لە جومعەی ئایندە رفتەو بوود.
کەشناس عەلی جابر زیادی وە ئاژانس شەفەق نیوز وت" ئمڕوو یەکەم دەرفەت وارانوارین وە تونی مامناوەندیگ دەسوەپی کەێد، کەمەکەمە لە نیمەڕوو و ئیوارە لە ناوچە جیاوازەیل ناوڕاس و باشوور وڵاتەگە دەسوەپی کەێد.
زیادی ئاشکەرایکرد، وارانوارین وەردەوامە تا شەفەق سوو پەنجشەممە، پیشبینی کەێد لە بڕیگ ناوچە رفت بوودو بەغدای پایتەختیش گرێدەو.
دیاریکرد" پسایگ واراناوی قایمیگ دوارە لە نیمەڕوو جومعە دەسوەپی کەێد، پیشبینس کریەێد واران رفتیگ بوارێد لە شارەیل باشوور و لە بەش خوەرهەڵات وڵاتەگە، هوشداری دەێد لە نوقومبوین ناوچە نزمەیل و ریەیل.
