زەخمداری مامووستایگ زانکۆ وە چەقوو لە دیالە

 زەخمداری مامووستایگ زانکۆ وە چەقوو لە دیالە
2022-06-19T10:55:42+00:00

شەفەق نیوز/ سەرچەوەیگ ئەمنی لە دیالە ئـمڕوو یەکشەممە، خەوەردا لە زەخمداربوین مامووستایگ زانکۆ وە چەقوو وە هووکار ناکۆکی لەبان پۆستیگ زانکۆ.  

سەرچەوەگە وە ئاژانس شەفەق نیوز وت "کەسەیل نەناسریایگ وەبان ماتۆرسکیل پەلامار مامووستایگ لە زانکۆی موقداد لە قەزای موقدادیە دانە تویش زەخمداری سەختیگی کردنە وەی مدوویە ئەرا خەسخانە کلکریایە. 

سەرچەوەگە وتیش؛ رویداوەگە لەنزیک ئاوای حەساویە رویدایە ک کەفێدە دەوروبەر ناحیەی وەجیهیە 25کم باکوور خوەرهەڵات بەعقوبە. 

کەسوکار نزیک مامووستاگە دووپاتکردنە لەوەگ رویداوەگە  لەوەر ناکۆکی لەبان پۆستیگ لە زانکۆ بویە، وەبی ئەوەگ سەرچەوەیگ فەرمی دووپاتی بکەێد. 

وتیش، مامووستاگە داوای یاسایی لەدژ تاوانبارەیل رویداوەگە  ئەنجام دایە.

Shafaq Live
Shafaq Live