یەک زەخمدار لە مرافەیگ هووزانە لە باشوور عراق

شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە نووەوبوین جەنگ هووزانەی رخبەریگ لە شار ناسریە.

سەرچەوەگە ئەرا ئاژانس شەفەق نیوز وت: ململانەیگ هووزانە لە قەزای عکێکە لە باشوور پارێزگای زیقار لەناوبەین هووز زەرگان و ئال شمێس بویەو، و یە سێیەم جارە بقومیەێد، ئەوەیش لە دویای کوشیانیگ وەرجە ٥٠ رووژ بویە.

سەرچەوەگە دیاری کرد ک لەناو چەنگەگە چەک هاوەن وەکار هاوریا، و تا ئیسە یەک زەخمدار کەفتگە، وتیش؛ هێزە ئەمنیەیلە سەختی لە کپەوکردن جەنگەگە وەخوەیان دوینن چوینکە چەک قەناس و هاوەن کەفتیەسە ناوبەینیان.