زەخمداریبوین کەسیگ وە تەقینەوە و مردن دویەتیگ وە کارەبا لە بەغدا و بەسرە

زەخمداریبوین کەسیگ وە تەقینەوە و مردن دویەتیگ وە کارەبا لە بەغدا و بەسرە
2023-02-03T19:56:25+00:00
شەفەق نیوز/ سەرچەوەیگ ئەمنی وەرپرس، ئمڕوو جومعە، خەوردا لە زەخمداری کەسیگ لەری وە ئامانجگردن ماشینەگەی وە تەقینەوە لە باکوور بەغدای پایتەخت.

سەرچەوەگە وەئاژانس شەفەق نیوز وت، بومبیگ لکیای لە ژیر ماشین مەدەنییگ نریاگە لە قەزای تارمیە لە ئەنجام تەقیە و بویەسە هووکار زەخمداریبوین خاوەنەگەی بڕیان پای.

وتیش وەپای لێکۆڵینەوە سەرەتایەیل رویداوەگە تاوانکاری بویە، هووکارەگەی گرفت کەسیە نەک تیرۆری.

سەرچەوەگە وتیش خاوەن ماشینەگە ئەندامە لە فەوج تارمیە و چالاکوان راگەیاننە، و پەراو لەبان تووڕ کۆمەڵایەیت فەیسبووک دیرێد و لەناوی رەخنە لە بارودۆخ خزمەتگوزاری تارمیە گرێد.

لەهەمان وەخت سەرچەوەیگ ئەمنی لە پارێزگای بەسرە لە باشوور عراق خەوەردا لەمردن دویەتیگ وە شۆرت کارەبایی.

سەرچەوەگە وە ئاژانس شەفەق نیوز وت" دویەتەگە 18 ساڵانە لەناو ماڵ خوەی گیان ڵە دەسدایە لە ئەنجام وەکارهاوردن تەنویریگ کارەبایی لەناو ماڵیان لە قەزای زوبێر لە باکوور بەسرە".

سەرچەوەگە وتیش، "دەزگایەل ئەمنی تەرمەگەی ئەرا پزیشک دادوەری کلکردنە ئەرا تەواوکردن رێکارەیل یاسایی".

Shafaq Live
Shafaq Live