ئەرا یەکەمین جارە.. نرخ دۆلار لە بەغداد لە ١٥٢هەزار دینار رەد کەێد
2022-12-22T10:31:19+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو پەنجشەممە، لە بۆرسەی سەرەکی بەغداد پایتەخت، و ئەرا یەکەمین جارە لە دوو ساڵ گوزەشتە تا ئیسە، لە کڕ 152 هەژار دینار وەرانوەر 100 دۆلار رەد کرد
پەیامنێر ئاژانس شەفەق نیوز وت: نرخ 100 دۆلار ئەمریکی لە بۆرسەی کیفاح و حارسیە لە بەغداد پایتەخت، لە ساعەت 12ی نیمەڕو ئمڕوو، رەسیە 152350 دینار عراقی، و شەوەکی ئمڕوو، نرخ 100 دۆلار ئەمریکی رەسیە 151750 دینار عراقی.
پەیامنێر ئاژانسمان وتیش: نرخ فرووشتن و سەنین لەناو دوکانەیل بازاڕەیل بەغداد هەمیش بەرزەو بوی، ک نرخ فرووشتن 100 دۆلار ئەمریکی رەسیە 152750 دینار عراقی، و نرخ سەنینی رەسیە 151750 دینار عراقی.
ئی بەرزەوبوینە ک لە 152 هەزار دینار عراقی وەرانوەر 100 دۆلار ئەمریکی رەد کرد، و یەکەم بەرزەوبوینیگ وەی پلە لە ساڵ 2020 تا ئیسە دریەێدە قەڵەم، لەوەختیگ ئەنجومەن نوینەرەیل بڕیار بوودجەی گشتی دانە ک لەو وەختە بانک ناوەندی وە نرخ فەرمی دانادەی، ک رەسیە 146 هەزار دینار.
