دوو گورز ئاسمانی لە کەرکوک ٧ تیرۆرست کوشن

دوو گورز ئاسمانی لە کەرکوک ٧ تیرۆرست کوشن
2021-01-12T10:28:08+00:00

شەفەق نیوز/ شانەی راگەیانن ئەمنی، ئمڕوو سێشەممە، راگەیان کوشتن دەور ٧ تیرۆرست وە دوو گورز ئاسمانی لەلایەن هاوپەیمانی ناودەوڵەتی لە پارێزگای کەرکوک جیوەجی کریان.

شانەگە لە بەیاننامەیگ رەسیە ئاژانس شەفەق نیوز وت: وەفەرمان فەرماندەی ئۆپراسیۆنە هاوبەشەگان، فڕۆکەیل هاوپەیمان ناودەوڵەتی، شەفەق ئمڕوو، دوو گورز ئاسمانی دژوە چەتەیل داعش تیرۆرست لە دووڵ چای لە پارێزگای کەرکوک جیوەجی کردن.

وتیش؛ دوو گورزەگە بوینە هووکار پەیاکردن چووچانن لاشەیلیگ مەزەنە وە ٧ کوشیاگ لە تیرۆرستەگان کریەن، و هەمیش پەیاکردن تونێلیگ وەدویری ١٠ مەتر لە شوون گورزەگە، و وەتەواوی ویران کریا.

شانەگە ئاماژە کرد لە پەیاکردن حەشارگەیگ پشتین تەقینەوە و مۆبایلەیل شکیاگ وکراسەیل ژن لەناوی بوین.

Shafaq Live
Shafaq Live