دوو قوربانی و زەخمداریگ لە سوپای عراق لە دیالە و کەرکوک
شەفەق نیوز/ دوو سەرچەوەی ئەمنی، ئمڕوو جمعە، خەوەردان لەدوو قوربانی و یەک زەخمدار لە سەربازەیل عراقی، ودەس قەناسەیل داعش لە پارێزگایل دیالە و کەرکوک.
سەرچەوەیگ ئەمنی لە دیالە ئەرا ئاژانس شەفەق نیوز وت: ئەنادمەیلیگ لە داعش پەلامار خاڵیگ سوپا لە ئاوای خێلانیە لە باکوور قەزای موقدادیە وە قەناس دان، دویای خراوکردن کامێرا چەودیریە گەرمیەکان، و تەقەکردن وەرەو خاڵە ئەمنیەگە، ک کوتپڕ بویە هووکار کوشتن یەک سەرباز.
سەرچەوەگە دیاری کرد ک پەلامارەدەرەیل وەرەو باخ وناوچەیل نزیک لە ئاوای خێلانیە واین، و دووپات کرد دکحەشارگە و مەفرەزەیل قەناسیل داعش لەدەورگرد ئی ئاوایە هەس.
لەی باوەتە، سەرچەوەیگ ئەمنی لە کەرکوک، ئمڕوو جمعە، دووپات لە کوشتن سەربازیگ وزەخمداربوین یەکیگ تر کرد، و گولەی قەناسەیلیگ سەروە داعش لە ئاوای مورە بان شاخ.
سەرچەوەگە وتیش؛ پەلامارەگە لەبان لیوای ٤٥ سوپای عراق دوێەشەو لە وەخت دیریگ بوی، وتیش؛ پەلاماریگ تر لەلایەن داعش لە ساعەتەیل زوی شەوەکەی لە دووڵ چای کریا، بەڵکم نەویە هووکار هیچ زەرەدەیلیگ.
