دوو خوەیکوشتن لە زیقار یەکیگیان وە ژەهر مووش

شەفەق نیوز/ سەرچەوەیگ ئەمنی لە پارێزگای زیقار، ئمڕوو پەنجشەممە، خەوەردا لە تۆمارکردن دوو خوەیکوشتن لەماوەی ٤٨ ساعەت گوزەیشتە، یەکیگیان شکست هاورد.

سەرچەوەیگ ئەمنی خەوەردا ئاژانس شەفەق نیوز ک لە قەزای فهوود لە باشوور پارێزگاگە، ژنیگ سیی ساڵان وەخواردن ژەهر مووش لەناو ماڵەکەی خوەی، تەقەلای خوەیکوشتن دا، وەلی تەقەلاگەی شکست هاورد، ک کەسوکارەیلی توێنستن ئەرا خەسەخانە بوەنەی و چارەسەری وەرگرد.

وتیش؛ دوویەم خوەیکوشتنەگە ئەرا پیاویگ لەتەمەن چل ساڵان بوی، ک لەناو ماڵەگەی لە شار ناسریە خوەی وەسێدارە دا، وەبی زانستن هووکارەیل خوەیکوشتنەگە، و ئاماژە کرد ک تەرمەگەی ئەرا پزشک دادوەری بریا.