دویای زیاتر لە 40 ساڵ وە ئامادەبویەیل فراوانیگ مەنەلی دوارە کریا وە قەزا

دویای زیاتر لە 40 ساڵ وە ئامادەبویەیل فراوانیگ مەنەلی دوارە کریا وە قەزا
2023-03-17T20:13:59+00:00
شەفەق نیوز/ شار مەندەلی لە خوەرهەڵات دیالە، ئمڕوو جومعە،ئاهەنگ فراوانیگ وە خوەی دی لەدویای ئەوەگ دوارە گلەودریا ئەرا قەزا لەدویای زیاتر ل 40 ساڵ لە پشتگوش خستن و فراموشکردنی.

وەڕیەوبەر ناحیەی مەنەلی مازن خزعەلی وە ئاژانس شەفەق نیوز وت، ئمڕوو جومعە شارەگە ئاهەنگ فەرمییگ ئەنجامدا وە ئامادەبوین جیگیر یەکەم ئەنجومەن پەرلەمان محسن مەندەلاوی و شمارەیگ لە ئەندامپەرلەمانەیل دیالە و کەسایەتیەیل حکومەتی و وەرپرسەیل و پارێزگار دیالە.

وتیش" ئاهەنگەگە وە پلانیگ ئەمنیتون و خزمەتگوزاری تەواوکاریەیل رێکخریابوی وە ئامادەبوینیگ فەرمی و کۆمەڵایەتی فراوانیگ سەردەمان نوویگ ئەرا قەزای مەندەلی کریا لە دویای زیاتر لە 40 ساڵ لە پشتگووش خستن و فرامووشکردن و گیرو گرفت کۆمەڵایەتی‌".

خزعەلی گلەوداین مەندەلی ئەرا قەزا وە قوناغیگ لە بونیادنان و گلەوداین مافەیل دزریاگەیلیان زانێد ئەرا کۆنترین قەزا لە عراق لە دویای کوفە.

Shafaq Live
Shafaq Live