دزەیلیگ دەسەی ئیمام حسێن لەڕی نەجەف-کەربەلا تاڵان کەن

شەفەق نیوز/ سەرچەوەیگ ئەمنی لە نەجەف، ئمڕوو پەنجشەممە، خەوەردا ک بڕیگ دز تاڵان دەسەیگ حسێنی لەبان ری ناوبەین پارێزگای نەجەف و کەربەلا تاڵان کردن.  

سەرچەوەگە ئەرا ئاژانس شەفەق نیوز وت: دزەیلیگ تاڵان دەسەی ئەنسار حوسەین لەبان ری نەجەف-کەربەلا کردن، ودیاری کرد ک گشت چشتەیل ناو دەسەگە لە ناوماڵە وبوتڵ گاز وقاجاخ و موەلیدەی کارەبا ودوو شاشەی بلازما و ٨ ماتوور ئاو و چشتەیلیگ تر وەگەرد نزیکەی یەک مەلیۆن دینار پویل دزینە.  

سەرچەوەگە دیاری کرد ک دزەیلە وەرەو شوینیگ نادیار واینە، ودەسەڵاتەیل ئەمنی لێکۆڵینەوە واز کردن، وکەفتنەسە مینەی دزەیل.