داوەزین کەمیگ نرخ تەڵا لە بازاڕەیل بەغداد و بەرزەوبوینی لە هەولێر
پەیامنێر ئاژانس شەفەق نیوز وت: نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوڕوپی لە بازاڕەیل بڕ فرووشتن لە جادەی نەهر بەغداد پایتەخت رەسیە ٣٨٢ هەزار دینار، و نرخ سەنینی رەسیە ٣٧٨ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢٢ لە تەڵای عراقی هەمیشە داوەزین توومار کرد لەپای ٣٥٢ هەزار دینار، و نرخ سەنینی رەسیە ٣٤٨ هەزار دینار.
لەباوەت نرخ تەڵا لە دوکانە زەڕەگەرەیل، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٨٠ هەزار دینار و ٣٩٠ هەزار دینار، و نرخ فرووشتن یەک مسقاڵ تەڵای عراقی ها ناونی ٣٥٠ هەزار دینار و ٣٦٠ هەزار دینار.
لە هەولێر پایتەخت هەرێم کوردستان، نرخ تەڵا بەرزەوبوین توومار کرد، ک نرخ فرووشتن یەک مسقاڵ تەڵای عەیار ٢٤ رەسیە ٤٤٥ هەزار دینار، و نرخ فرووشتن تەڵای عەیار ٢٢ رەسیە ٤١٠ هەزار دینار، و نرخ فرووشتن تەڵای عەیار ٢١ رەسیە ٣٩٥ هەزار دینار، و نرخ فرووشتن تەڵای عەیار ١٨ رەسیە ٣٤٠ هەزار دینار.
