دۆلار رەسێدە 160 هەزار دینار
2023-01-09T11:21:36+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو دووشەممە، لە بۆرسەی سەرەکی بەغداد پایتەخت بازیگ کوتا.
پەیامنێر ئاژانس شەفەق نیوز وت: نرخ 100 دۆلار ئەمریکی لە بۆرسەی کیفاح و حارسیە لە بەغداد پایتەخت، لە ساعەت 1 نیمەڕو رەسیە 160000 دینار عراقی.
شەوەکی ئمڕوو، مەوقەی وازکردن بۆرسە، نرخ 100 دۆلار ئەمریکی رەسیە 157300 دینار عراقی.
وەرجە ساعەتیگ لە نویسین خەوەرەگە، پەیامنێر ئاژانسمان وت: نرخ فرووشتن و سەنین لە دوکانەیل ناوخوەیی بەغداد بەرزەو بوی، ک نرخ 100 دۆلار ئەمریکی رەسیە 159000 دینار عراقی، و نرخ سەنینی رەسیە 150000 دینار عراقی.
