دەسگیرکردن ژنیگ دەیان کلکوانەی تەڵا لە دوکان زەڕەنگەریگ بەغداد دزیە
2023-02-24T10:14:33+00:00
شەفەق نیوز/ وەڕێەوبەرایەتی دژە تاوان لە بەغدا، ئمڕوو جومعە، خەوەردا لە دەسگیرکردن ژنیگ وە توومەت دزین 48 کلکوانە لەناو دوکانیگ زەڕەنگەڕ لە بەغدای پایتەخت.
وەڕێەوبەرایەتیەگە راگەیان مەفرەزەیگ لە نوسینگەی ناوچەی مەنسور توەنستنە توومەتباریگ دەسگیربکەن، ئاشکەرایکرد ئۆپراسیۆنەگە لە دویای رەسین زانیاریگ لەبارەی رویداویگ دزیکردن لە ناوچەی وەرپرسیاریەتیەگەیان بویە، لەدویای تەقەڵای گەپیگ و ناوازەیگ رەسینەس وە توومەتبار و دەسگیری کردنە و دەسنریایە وەبان 23 کلکوانەی تەڵا ک وەپی بویە وەگەرد بڕە پویل ( مەلیۆن و چوارسەد هەزار دینار) لەناو ماڵەگەی لەناوچەی فزێلیە.
وەپای بەیاننامەگە دەسکریایە وە لێکۆڵینەوە وەگەرد توومەتبارەگە دان وە تاوانەگەی دانایە ک کلوانکەگان دزیە و شمارەیگ لەلیان فروشتیە وە زەرەنگەرەیلیگ لە بەغداد جدیدە.
وەپای دان وەپی ناینەیل سەرەتایی توومەتبارەگە دادگا وە بڕیار دادگای لێکۆڵینەوە سزای دا وەپای بڕگەی مادەی (446) لە یاسای سزادان تا بڕەسێد وە سزای دادپەروەرانەی خوەی.
