دەسگیرکردن بڕیگ گەنج وە توومەت دەسدرویژی و کوشتن برادەریان

شەفەق نیوز/ فەرماندەیی پۆلیس بەغدا، ئمڕوو یەکشەممە، راگەیان 4 توومەتبار دەسگیرکریایە لە بڕ 6 کەس ک توومەتبارن وە کوشتن گەنجیگ وە ناو"حەیدر" ک تەرمەگەی لە ژیر پیەڵ سەرافیە لە ناوڕاس بەغدا پەیاکریا.

سەرچەوە ئەمنیەگە تەواوی هویردەکاری باس تاوانەگە ئەرا ئاژانس شەفەق نیوز باس کرد، وت، " زانیاری رەسیە لە هەبوین تەرم نەناسریاییگ ک لە ژیر پیەڵ سەرافیە وەجیهیلیایە، فرە وەپی نەچی وەلایەن کەسوکاری ناسریا".

وتیش، " لەمەوقەی توومارکردن ئیفادەی خانەوادەی قوربانیەگە، وتنەس کورەگەیان وەگەرد شمارەیگ لە هاورێیەیلی دەرچگە ناوەیلیان ناسانیە، وتیش : لەبان ئەوە دەسیگ کارکردن دروسکریا لە پۆلیس ناوخوەیی ( پۆلیس بەغدا) و دژە تاوانەیل".

ئاشکەرایکرد، " لە دویاچگن ئەرا کامیرایەیل چەودێری و مینەکردن ئەو کەسەیلە، تیم کارکردن ئەمنیەگە سەرکەفتی بوین لە دەسگیرکردن 4 کەس، ک 3یانیان تاوانبارن لە کوشتن و دەسدرویژیەگە، چوارەمیان پەیوەنی وەپیانەو نیەیرد "  رانندەی توک توکە"، دووپاتکرد" وەردەوامە لە مینەکردن ئەو کەسەیلتر".