دەسگیرکردن کابرایگ لە بەغداد خوازیە گورچگ بفرووشێد
2023-03-27T11:00:42+00:00
شەفەق نیوز/ وەڕیەوبەرایەتی دژەتاوان بەغداد، ئمڕوو دووشەممە، توومەتباریگ وە بازرگانیکردن وە ئەندام لەش ئایەم دەسگیر کرد، خوازیە گورچگ ئەرا دەوڵەتەیل هاوسا وە ٧ هەزار دۆلار ئەمریکی بفرووشێد.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: مەفرەزەیل وەڕیەوبەرایەتی دژەتاوان بەغداد، توەنستن توومەتباریگ وە بازرگانیکردن وە ئەندام لەش ئایەم دەسگیر بکەن، خوازێد گورچگ ئەرا دەوڵەتەیل هاوسا وە ٧ هەزار دۆلار ئەمریکی بفرووشێد.
وتیش: دویای گردەوکردن زانیاری لەلای مەفرەزەیل نویسینگەی لێکۆڵینەوەی دژە بازرگانیکردن وە ئەندام لە ئایەم/ رەسافە لەبان کابرایگ بازرگانی وە گورچگ کەێد لە ناوچەی کەڕادە ناوڕاس بەغداد، ک تیمیگ ئەرا وەشوینکەفتن باوەتەگە دروس کریا.
وتیش: دویای تەقەلای گەورەیگ رەسینە توومەتبارەگە و مەوقەی تەقەلای فرووشتن گورچگ ئەرا کەسیگ دەسگیر کریا، و لەناو لێکۆڵینەوە ئاشکرای تاوانەیل خوەی کرد، ک خوازیە وە ٧ هەزار دۆلار ئەمریکی گورچگ بفرووشێد.
