دیالە.. لافاو دەوڵەمەن کشتوکاڵی کەێد و بەنداو نییە
مازن خوزاغی وەڕیەوبەر ناحیەی قەزانیە ئەرا ئاژانس شەفەق نیوز وت: لافاوەیل ئیران بە دویەم جارە لەی وەرزە تەکان وە زیاتر لە ٣٥٠ مەتر لە چرکەیگ وەڕی دووڵ نەفت بیەن، ک لە ناوچەیل نەفتخانە هاتگە.
وتیش: لافاوەیل وەرەو زەویەیل کشتوکاڵی و چەم و جووەیل تەکان دان، و پلان کشتوکاڵی زمسانی وە ئاست گەورەیگ وەچەو دوو وەرز گوزەشتە دەوڵەمەن کرد، و وەتەواوی قەیران بیئاوی وەپشتسەرنا.
وەڕیەوبەر ناحیەی قەزانیە وتیش: بەنداوەیل مەنەلی و قەزانیە یە چەن ساڵیگە پەکیان کەفتگە، چوینکە خەڕگ بنیان گردگە، و بویە شوینیگ ئەرا رەدبوین ئاوەگە و چشتیگ لەلی گلەو نیەێد، وتیش: وەزارەت سامانەیل ئاوی یە چەن مانگیگە دەسکردنە خاسەوکردن و پاکەوکردن بەنداو مەنەلی باوجی چوینکە ئاو وارانەگە لەناوی پەنگەو خواردیە کارەگە وسیا.
ناحیەی مەنەلی پشت وەو ئاوە بەسێد ک لەناو بەنداو مەنەلی مینێدەو، ک رەسێدە سێ مەلیۆن و پەنسەد هەزار مەتر شەشپاڵوو، ک تەنیا بەش یەک مانگ ئاویاری باخەیلی کەێد، وەگەرد دوو سەرچەوە لەڕی دووڵ حەڕان لەلای ئیران ک زاێدە ناو بەنداو مەنەلی و وەگورەی راپۆرتەیل پزیشکی ئاوەگەی ئەرا نووشین وەکار نیەتیەێد.
و ئەو سەرچەوەگە لە قەزای موقدادیە تیەێد، ئەوەیش لەوەر دەسدرویژی خەڵک ئەو ناوچەیلە لەبان ئاوەگە نیەڕەسێدە مەنەلی.
