خوەپیشاندان سێ ناوچە لە عراق گرێدەو

   خوەپیشاندان سێ ناوچە لە عراق گرێدەو
2021-12-20T08:04:22+00:00

شەفەق نیوز/ ئمڕوو دووشەممە، لە پارێزگایەیل دیالە و بەسرە و هەرلیوا بەغدای پایتەخت خوەپیشاندان کریا ئەرا داواکردن خزمەتگوزاری و مافەیلیان.    

وەگورەی سەرچەوەیگ ئەمنی لەدیالە، خوەپیشاندانیگ جەماوەری ئەنجامدریایە ری گرنگیگ بڕینە ئەرا ناڕەزایی وەرانوەر وە خەراوی خزمەتگوزاری.    

پەیامنێری ئاژانس  شەفەق نیوز راگەیان، سەدان کەس لە هاوڵاتیەیل ری گرنگیگ بەسی ک مەقدادیە وە بەعقوبە بەسێد و خوەپیشاندانیگ سازدان ئەرا  خزمەتگوزارییە خەراوەیلە و داوای لاوردن وەڕێەوەبەر کارەبا و شارەوانی کردن و هاوردنەوەی  پارکە سەوزەگان ئەرا شار موقدادیە. 

لەبەسرە  شمارەیگ لەفەرمانبەرەیل کۆمپانیای  گشتیگ لەوەردەم دەروازەی کۆمپانیاگە خوەپیشاندانیگ سازدان و داوای بەشکردن پارچە زەۊی کردن ک وەرجەیە وتنە گوایە لەنزیک شەت بەسرە تەرخانکریایە.    

لەبەغدا شمارەیگ لە بەڵێندەرەیل و کارمەنەیل رووژانەکار لەوەردەم سکرتاریەت بەغدا جەمەوبۊین ئەرا داواکردن موچەیلیان ک ماوەی هەفت ساڵە وسیایە و پەیامنێرمان ئۊشێد شمارەیان نزیکەی 25 کەسە باوجی لەوەر خوەپیشاندان هۊیچ ری بڕینیگ نەۊێە.                   

Shafaq Live
Shafaq Live