جیگیربوین نرخ تەڵا لە بازاڕەیل بەغدا و هەولێر

جیگیربوین نرخ تەڵا لە بازاڕەیل بەغدا و  هەولێر
2022-12-20T08:40:59+00:00
شەفەق نیوز/ نرخ تەڵای بیگانە و عراقی، ئمڕوو سێشەممە، (20 کانون یەکەم) لە بازاڕەیل بەغداد پایتەخت  و هەولێر پایتەخت هەرێم کوردستان جیگیربوی.

پەیامنێر ئاژانس شەفەق نيوز وت: نرخ فرووشتن یەک مسقاڵ تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 379 هەزار دینار، و نرخ سەنینی رەسیە 375 هەزار دینار.

پەیامنێر ئاژانسمان وتیش: نرخ فرووشتن یەک مسقاڵ عەیار 21 لە تەڵای عراقی جیگیربوین توومار کرد لەپای 349 هەزار دینار، و نرخ سەنینی رەسیە 345 هەزار دینار.

لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار 21 هالە ناونی 380 هەزار دینار و 390 هەزار دینار، و نرخ فرووشتن یەک مسقاڵ تەڵای عراقی ها ناونی 350 هەزار دینار و 360 هەزار دینار.

نرخ تەڵا لە هەولێر جیگیربوین لە بازاڕەیلی توومار کرد، ک نرخ فرووشتن یەک مسقاڵ لە تەڵای عەیار 24 رەسیە 440 ، و یەک مسقاڵ تەڵای عەیار 21 رەسیە 405 هەزار و نرخ فروشتن یەک مسقاڵ تەڵای عەیار 18 رەسیە 335 هەزار دینار.

Shafaq Live
Shafaq Live