جیگیربوین نرخ تەڵا لە بازاڕەیل بەغدا و بەرزەوبوینی هەولێر

جیگیربوین نرخ تەڵا لە بازاڕەیل بەغدا و بەرزەوبوینی هەولێر
2023-01-05T08:15:01+00:00
شەفەق نیوز/ نرخ تەڵای بیگانە و عراقی، ئمڕوو پەنجشەممە، (5 کانون دویەم) لە بازاڕەیل بەغداد پایتەخت جیگیربوی  و هەولێر پایتەخت هەرێم کوردستان بەرزەوبوی.

پەیامنێر ئاژانس شەفەق نيوز وت: نرخ فرووشتن یەک مسقاڵ تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 402 هەزار دینار، و نرخ سەنینی رەسیە 398 هەزار دینار.

پەیامنێر ئاژانسمان وتیش: نرخ فرووشتن یەک مسقاڵ عەیار 21 لە تەڵای عراقی جیگیربوی توومار کرد لەپای 372 هەزار دینار، و نرخ سەنینی رەسیە 368 هەزار دینار.

لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار 21 هالە ناونی 400 هەزار دینار و و410 هەزار دینار، و نرخ فرووشتن یەک مسقاڵ تەڵای عراقی ها ناونی 370 هەزار دینار و 380 هەزار دینار.

نرخ تەڵا لە هەولێر بەرزەوبوین لە بازاڕەیلی توومار کرد، ک نرخ فرووشتن یەک مسقاڵ لە تەڵای عەیار 24 رەسیە 465 ، و یەک مسقاڵ تەڵای عەیار 21 رەسیە 410 هەزار و نرخ فروشتن یەک مسقاڵ تەڵای عەیار 18 رەسیە 450 هەزار دینار.

Shafaq Live
Shafaq Live