تەخت مەکتەوەیل وەڕیەوبەر پەروەردەی دیالە خەن

تەخت مەکتەوەیل وەڕیەوبەر پەروەردەی دیالە خەن
2021-11-17T13:16:54+00:00

شەفەق نیوز/ سەرچەوەیگ حکومەتی لە دیالە، ئمڕوو چوارشەممە، خەوەردا ک کیشان دەس وەڕیەوبەر پەروەردەی پارێزگاگە جەعفەر زەرگووش ئەرا ماوەی ٦٠ رووژ لەوەر کەمی لە تەخت و خوازینەیل مەکتەوەیل.    

سەرچەوەگە ئەرا ئاژانس شەفەق نیوز وت: پارێزگار دیالە ئەرکدار حەسەن نامیق وەڕیەوبەر سەرپەرشتیاری وە ئەرک وەڕیەوبەر پەروەردە کرد تا ماوەی ٦٠ رووژ،  دۊیای کیشان دەس جەعفەر زەگووش.    

وتیش لە وەختیگ ئایندە کتاویگ فەرمی وە کیشان دەس وەڕیەوبەر پەروەردەی دیالە دەرچوود.    

جی باسە ک جەعفەر زەگووشی لە ساڵ ٢٠٠٥ تا ئیسە هالە پۆست وەڕیەوبەر پەروەردەی دیالە.           

Shafaq Live
Shafaq Live