کۆبونەوەیگ لە کەرکوک سێ فەرماندەی ئەمنی هاناوی
شەفەق نیوز/شانەی راگەیانن ئەمنی، ئمڕوو جمعە، راگەیان کۆبونەوەی ئەمنی پایەبەرزیک لە پارێزگای کەرکووک، ئەرا باسکردن لە پلانەگان و پاڵپشتییان.
شانەگە لە بەیاننامەیگ رەسیە ئاژانس شەفەق نیوز وت: جیگر فەرماندەی ئۆپراسیۆنە هاوبەشەگان، و فەرماندەی پۆلیس فیدڕاڵی، و فەرماندەی بارەگای پێشکەفتگ لە فەرماندەیی ئۆپراسیۆنە هاوبەشەگان لە پارێزگای کەرکوک، چەویان کەفتە پارێزگار کەرکوک.
بەیاننامەگە وتیش؛ کۆبونەوەگە باسکردن بڕیگ لە باوەتەگان وەخوەی دی، لەنوایان بتەوکردن ئەمن وپاڵپشتی بلانەیل هاوردنەوەی ئارامی، و چەودیری مەیدانی لە رەوشەیل پارێزگاگە، وباسکردن لە پلانەگان وە تایبەت ئەوەگ پەیوەندی وە شوون کەفتن جیماگەیل داعش تیرۆر دیرێد.
بەیاننامەگە هەمیش وت؛ گردەوبویەگان دووپاتکردن لە گرنگی هاوکاری هاوبەش لەناونی هێزە ئەمنیەگان و هاووڵاتیەگان، و ژمارەیگ لە فەرماندە ئەمنیەگان لە کۆبونەوەگە ئامادە بوین.
لەلای خوەییش؛ بەیاننامەیگ لە راکان سەعید جبووری پارێزگار کەرکوک وت؛ لە کۆبونەوەگە باس لە تەقەلایل جەنگ دژوە چەتەیل داعش و پاڵپشتی ئەمن و پلانەیل هاوردنەوەی ئارامی کریا.
جیگر فەرماندەی ئۆپراسیۆنە هاوبەشەگان وت: سەردانەگەی ئەرا کەرکوک وە ئامانج چەودیری لە رەوشەگانی هات و بتەوکردن رەنجەگان و پلانە ئەمنیەگان ئەرا وە شوون کەفتن جیماگەیل تێرۆر، دویای ئەو سەرکەفتنەیلە ک هێزە عراقیەگان لە راوکردن ژمارەیگ لە سەرکردەیل داعش وەدەس هاورد.
فەرماندەی پۆلیس فیدڕاڵی دووپاتکرد؛ ک ئەو هاوکاری وهەماهەنگیە لە کەرکوک، ئامانجەیل خاسیگ ئەنجام دا لە پاڵپشتی ئەمن و وەشوونکەفتن چەتەیل تیرۆر و بتەوکردن ئارامی لە گشت پارێزگاگە.
