باوگیگ لە بەغداد دویای ئەشکەنجەدان دوێەت خوەی کوشێدەی

شەفەق نیوز/ وەڕێۆبەرایەتی دژە تاوان بەغداد، ئمڕوو سێشەممە، ئاشکرای کردەوەی باوگیگ وە کوشتن دوێەتەگەی خوەی لە ناوچەی نەهرەوان کرد.

وەڕێۆبەرایەتیەگە لە بەیاننامەیگ رەسیە ئاژانس شەفەق نیوز وت: دویای تەقەلایل هەواڵگری جیوازیگ  یەکیگ لەو ژمارەیلە دیاری کریا ک وەرجە گومابوین دوێەتەگە پەیوەندی وەپی کردگە، و دویای مینەکردن و گردەوکردن زانیاریە هەواڵیەیل توومەتبارەگە دەسگیر کریا، و دویای پرسین ولێکۆڵینەوە دەرکەفت ک تا ٤ رووژ دوێەتە قوربانیەگە لەماڵەکەی بوی و ئیجا وەرەو شوین نادیاریگ دراتگە.

بەیاننامەگە وتیش؛  خەوەر لە تەرمیگ لەبان ریەگە رەسیە هێزەیلە رەسی ک شوین ئەشکەنجە لەلی دیارە، ئاگادار خاوەن قوربانیەگە کریا تا بناسنەی، لەورا کومانەگە لەبان باوکی دروس بوی.

بەیاننامەگە دیاری کرد ک لەناو لێکۆڵینەوەیل باوەتەگە، باوگ دوێەتە قوربانیەگە ئاشکرای تاوان خوەی کرد ک خوەی کوشتیەسەی، و باوگەگە خریا دادگا.