بەرزەوبوین گەورەیگ لە نرخ تەڵا لە بازاڕەیل بەغداد و هەولێر

بەرزەوبوین گەورەیگ لە نرخ تەڵا لە بازاڕەیل بەغداد و هەولێر
2022-11-05T09:26:37+00:00

شەفەق نیوز/ نرخ تەڵای بیگانە و عراقی، ئمڕوو شەممە، لە بازاڕە ناوخۆیەیل بەغداد پایتەخت، هەمیش لە بازاڕەیل هەولێر، وەشیوەی گەورەیگ بەرزەو بوی.

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە  ٣٤١ هەزار دینار، و نرخ سەنینی رەسیە ٣٣٧ هەزار دینار.

پەیامنێر ئاژانس شەفەق نيوز وت: نرخ فرووشتن یەک مسقاڵ تەڵای عراقی هەمیش بەرزەو بوی، ک رەسیە ٣١١ هەزار دینار، و نرخ سەنینی رەسیە ٣٠٧ هەزار دینار.

لە باوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار ٢١ ها ناونی ٣٤٠ هەزار دینار و ٣٥٠ هەزار دینار، و نرخ فرووشتن یەک مسقاڵ تەڵای عراقی ها ناونی ٣١٠ هەزار دینار و ٣٢٠ هەزار دینار.

نرخ تەڵا لە هەولێر، هەمیش بەرزەوبوین وەخوەی دی، ک نرخ فرووشتن یەک مسقاڵ عەیار ٢٤ رەسیە ٤٠٠ هەزار دینار، و یەک مسقاڵ تەڵای عەیار ٢١ رەسیە ٣٥٥ هەزار دینار، و نرخ فرووشتن یەک مسقاڵ تەڵای عەیار ١٨ رەسیە ٣٠٥ هەزار دینار.

Shafaq Live
Shafaq Live