بەرزەوبوین نرخ دۆلار وەگەرد بەسیان بۆرسەی بەغداد و هەولێر
2023-02-05T13:43:59+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو یەکشەممە، وەگەرد بەسیان بۆرسەی سەرەکی بەغداد پایتەخت، و هەولێر پایتەخت هەرێم کوردستان، بەرزەو بوی.
پەیامنێر ئاژانس شەفەق نیوز وت: بۆرسەی کیفاح بە بەغداد پایتەخت، ئیدارەی ئمڕوو، لەبان نرخ ١٦٥٥٠٠ دینار عراقی وەرانوەر ١٠٠ دۆلار ئەمریکی دەری بەساد.
شەوەکی ئمڕوو، نرخ ١٠٠ دۆلار ئەمریکی رەسیە ١٦٣٣٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، ک نرخ فرووشتن ١٠٠ دۆلار ئەمریکی رەسیە ١٦٧٠٠٠ دینار عراقی، و نرخ سەنینی رەسیە ١٦٣٠٠٠ دینار عراقی.
لە هەولێر پایتەخت هەرێم کوردستان، نرخ دۆلار وەگەرد بەسیان بۆرسە هەمیش بەرزەو بوی، ک نرخ فرووشتن ١٠٠ دۆلار ئەمریکی رەسیە ١٦٦٢٥٠ دینار عراقی، و نرخ سەنینی رەسیە ١٦٦١٥٠ دینار عراقی.
