بەرزەوبوین نرخ تەڵا لە بازاڕەیل بەغداد و هەولێر

بەرزەوبوین نرخ تەڵا لە بازاڕەیل بەغداد و هەولێر
2022-12-03T08:42:12+00:00

شەفەق نیوز/ نرخ تەڵای بیگانە و عراقی لە بازاڕە ناوخۆیەیل بەغداد پایتەخت، و لە بازاڕەیل هەولێر پایتەخت هەرێم کوردستان، ئمڕوو شەممە ٣ی کانوون یەکەم ٢٠٢٢، بەرزەو بوی.

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٧٤ هەزار دینار و نرخ سەنینی رەسیە ٣٧٠ هەزار دینار.

پەیامنێر ئاژانسمان وتیش: نرخ فرووشتن یەک مسقاڵ عەیار ٢١ لە تەڵای عراقی بەرزەوبوین توومار کرد لەپای ٣٤٤ هەزار دینار، و نرخ سەنینی رەسیە ٣٤١ هەزار دینار.

لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار ٢١ ها ناونی ٣٧٥ هەزار دینار و ٣٨٥ هەزار دینار، و نرخ فرووشتن یەک مسقاڵ تەڵای عراقی ها ناونی ٣٤٥ هەزار دینار و ٣٥٥ هەزار دینار.

نرخ تەڵا لە هەولێر بەرزەوبوین توومار کرد، ک نرخ فرووشتن یەک مسقاڵ تەڵای عەیار ٢٤ رەسیە ٤٣٥ هەزار دینار، و نرخ فرووشتن یەک مسقاڵ عەیار ٢١ رەسیە ٣٨٥ هەزار دینار، و نرخ فرووشتن یەک مسقاڵ تەڵای عەیار ١٨ رەسیە ٣٣٠ هەزار دینار.

Shafaq Live
Shafaq Live