بەرزەوبوین نرخ تەڵا لە بازاڕەیل بەغدا و هەولێر

بەرزەوبوین نرخ تەڵا لە بازاڕەیل بەغدا و هەولێر
2023-01-09T09:44:53+00:00
شەفەق نیوز/ نرخ تەڵای بیگانە و عراقی، ئمڕوو دووشەممە، (9 کانون دویەم) لە بازاڕەیل بەغداد پایتەخت  و هەولێر پایتەخت هەرێم کوردستان بەرزەوبوی.

پەیامنێر ئاژانس شەفەق نيوز وت: نرخ فرووشتن یەک مسقاڵ تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 410 هەزار دینار، و نرخ سەنینی رەسیە 406 هەزار دینار.

پەیامنێر ئاژانسمان وتیش: نرخ فرووشتن یەک مسقاڵ عەیار 21 لە تەڵای عراقی بەرزەوبوین توومار کرد لەپای 380 هەزار دینار، و نرخ سەنینی رەسیە 376 هەزار دینار.

لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار 21 هالە ناونی 410 هەزار دینار و 420 هەزار دینار، و نرخ فرووشتن یەک مسقاڵ تەڵای عراقی ها ناونی 380 هەزار دینار و 390 هەزار دینار.

نرخ تەڵا لە هەولێر بەرزەوبوین لە بازاڕەیلی توومار کرد، ک نرخ فرووشتن یەک مسقاڵ لە تەڵای عەیار 24 رەسیە 470 ، و یەک مسقاڵ تەڵای عەیار 21 رەسیە 415 هەزار و نرخ فروشتن یەک مسقاڵ تەڵای عەیار 18 رەسیە 455 هەزار دینار.

Shafaq Live
Shafaq Live