کابرایگ لە بەغداد کوشتاریگ وە خێزانەگەی خوەی کەێد
2022-02-01T08:26:44+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا کابرایگ سێ کەس لە ئەندامەیل خێزانی کوشتیە لە خوەرئاوای بەغدای پاێتەخت.
سەرچەوەگە وە ئاژانس شەفەق نیوز خەوەردا، کابرایگ هەلسیایە وە کوشتن ژنەگەی لە داڵگبۊ 1990، دۊتەگەی لە داڵگبۊ 2008، مناڵیگ کوڕ تەمەن یەک ساڵ، و زەخمدار داڵگ ژنەگەی کردیە وە گولە، روداوەگە لەئاوای زەهەب ئەبیەز لە "ئەبو غەرێب" خوەرئاوای بەغدا رۊدایە.
وتیش؛ ئەو کەسە تەقەلای کوشتن باوگ ژنەی دایە دۊیای ئەوەگ بۊیەسە تەقەکردنیان زەخمداری کردیە.
