پەیاکردن تەرم و کوشتن ژن و دزین ماشین لە سێ پارێزگا

شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە پەیاکردن تەرم پیاو کوشیایگ، شۊن گولە لەسەری بۊیە و پیاویگ کۆتایی وە ژیان ژنەگەی تیارێد وە چەکوشیگ ئاسنین و چەن کەسیگ ماشینەیلیگ نوو دزن لە پیشەنگایگ سەنین و و فروشتن ماشین لە رۊداوەیل جیاواز لە سێ پارێزگا.   

سەرچەوەیگ ئەمنی وە ئاژانس شەفەق نیوز وت؛ تەرم گەنجیگ خەلک ناوچەی نەهر سەعەد پەیاکریایە سەر وە قەزای کومێت، فرە دریایە لەبان رێ سەرەکیگ لەناوڕاس شار عەمارە گولە دریاسە سەری. 

وتیش، پیاویگ وە چەکوشیگ دایە وەبان سەر ژنەگەی ک 50 ساڵانە لە بازاڕ ناحیەی سەعدیە لە پاریزگای دیالە لەدۊای ئەوەگ بوودە مرافە و قسەیان لەوەر گیچەڵ کۆمەڵایەتی بۊیەسە هووکار مردنی و هێزەیل ئەمنی شۊ کوشیاگە دەسگیرکردنە ئەرا ناوەن زیندانکردن کلکریایە. 

سەرچەوەیل باس کەن، " کەسەیل نەناسریایگ هەلسیان وە دزین 4 ماشین لە یەکیگ لە پێشانگایەیل لەناوچەی قوبلە لەناوڕاس شار بەسرە، سێ پیکاپ و یەک جاکسارا"، وتیش، نرخ ماشین دزریاگەیل نزیکەی 200 ملیون دینار عراقیە". 

وتیش "هێزەیل ئەمنیلە بەسرە رێکارەل تونیگ گردنەسەوەر لە دەروازەیل پارێزگاگە مینەی ئەو لایەنەیلە کەن".