پەیاکردن تەرمیگ و ئازادکردن دویەتیگ رفیاگ و زەخمداری ٩ کەس لە سێ پارێزگا
شەفەق نیوز/ سەرچەوەیگ ئەمنی لە پارێزگای واست، ئمڕوو پەنجشەممە، خەوەردا لە پەیاکردن تەرم گەنجیگ کوشیاگ لە ناوڕاس پارێزگاگە.
سەرچەوەگە ئەرا ئاژانس شەفەق نیوز وت: هیزیگ ئەمنی تەرم گەنجیگ لەناو تەمەن بیس ساڵان لە کنار چەم دیجلە لە ناوچەی حەی حەورا ناوڕاس شار کووت پەیا کرد، وە گولە کوشیاگە.
سەرچەوەگە دیاری کرد ک هیزە ئەمنیەگە دەور شوین رویداوەگە گرد و تەرمەگە ئەرا پزشک دادوەری کلکرد.
لە پارێزگای سەڵاحەدین، هەواڵگری سەربازی توەنست دویەتیگ رفیاگ ئازاد بکەێد، و بڕفنەیلی بگرێد.
وەڕیەوبەرایەتیەگە لە بەیاننامیگ وت: لە بنەمای زانیاری هەواڵگیری هویر ئەرا بەش هەواڵگری و ئاسایش فەرماندەیی ئۆپراسیۆنەیل سەڵاحەدین وە بەشداریکردن هیزیگ لە فەرماندەگە، کوڵەگردن توکمەیگ لە ناوچەی قادسیە تکریت نریا، و دویەتیگ رفیاگ لەداڵگبوی ٢٠٠٥ ئازاد کریا، و بڕفنەگە دەسگیر کریا.
لە زیقار، دەزگا ئەمنیەیلە رویداویگ هاتوچو لەناوبەین سێ ماشین لەبان ری گشتی باکوور پارێزگاگە توومار کردن.
سەرچەویگ ئەمنی ئەرا ئاژانس شەفەق نیوز وت: رویداویگ هاتوچو کەفنە ناوبەین سێ ماشین لەبان ری گشته ناوبەین زیقار و شەترە، و بویە هوکار زەخمداری ٩ کەس.
وتیش: دەزگا ئەمنیەیل و ماشینەیل هاناڕەسین زەخمدارەیل ئەرا نزیکترین خەسەخانە بردن.
