کوشیان دوو کەس و زەخمداری سەدان کەس وە زەویلەرزەیگ لە ئیران
2023-01-29T08:44:51+00:00
شەفەق نیوز/ ئاژانس فەرمی خەوەری ئیران "ئیرنا"، خەوەردا لەلای کەمەو دوو کەس گیان لەدەس دایە و سەدان کەسیش زەخمدارە وە رویدان زەویلەرزەیگ وە تونی 5.9 پلە، ک دویەشەو لە باکوو خوەرئاوای ئیران نزیک سنووری وەگەرد تورکیا داگە.
ناوەند توومارکردن زەویلەرزە لە زانکۆی تەهران راگەیاندیە زەویلەرزەیگ لە شار خوی رویدایە لە پارێزگای ئازەربایجان خوەرئاوای ئیران لە ساعەت 21,44.
محەمەد سادق موعتەدیا پارێزگار پارێزگای ئازەربایجان خوەرئاوا راگەیانیە" ئی زەویلەرزە تا ئیسە بویەسە هووکار زەخمداری 580 کەس و کوشیان دوو کەس" وتیش"وەزیر ناوخوەی و سەرۆک کۆمەڵەی مانگ سوور هانە ری ئەرا رەسین وە خوی".
