گواستنەوەی بیماری لە ئاژەل ئەرا ئایەم وەرەو فرەو بوین چێد
2022-04-29T11:58:51+00:00
شەفەق نیوز/ تویژینەویگ نوو ئاشکەرایکرد، لەوەر ئاڵشتکاری كەشوهەوا لە جەهان پیشبینی کرێد بڵاوبوین ڤایرۆسەگان تا ساڵ 2070 زیادبكەێد، هووشداری دریەێد وەی مدوویە گواستنەوەی ڤایرۆس لە ئاژەڵەیلەو ئەرا ئایەم زیاد بکەێد.
دیاریکریاگە، مەترسی گواستنەوەی ڤایرۆس لە ئاژەڵ ئەرا ئایەم لە وەرین لە چەن وڵاتیگ كیشوەرەیل ئەفریقا و ئاسیا بوین و توومارکریاگە جویر ئیبۆلا و ڤایرۆس كۆرۆنا.
لە تویژینەوەگە ئاشكەراكریایە، پسپۆرەیل مژار تەندروسی و ژینگە جەمەوبوینە لەبان مەترسییەیل گەرمبوین زەوی و ئاڵشتکاری كەشوهەوا كە هووكارن ئەرا زیاتر دەركەفتن ڤایرۆسە نوویەیلە لە جەهان و وەتایبەت تا ساڵ 2070.
