وڵات چین کەفێدە وەر خراوترین یەخ لە ٧٠ ساڵ تا ئیسە
2021-11-11T05:11:14+00:00
شەفەق نیوز/ یەک کەس لەلای کەمەو لەوەر یەخ فرە سەختیگ دادە باکوور خوەرهەڵات چین گیانی لەدەسدا، ئەوەیش لە خراوترین شەپۆل یەخ لە ٧٠ ساڵ گوزەیشتە تا ئیسە.
تووڕ سی سی تی چینی وت؛ یەکەمین قوربانی لەوەر ئەو یەخە لە شار تونگلیاو کەفت ک ماوەی ٤٦ ساعەت وەردەوام یەخ وایە.
تووڕەگە دیاری کرد بەرزی ک یەخەگە لە هەرێم لياونينغ ومونغوليا رەسیە ٥٠ سانتیمەتر. ئی شەپۆل یەخە ک ئیسە دەێدە وڵات چین بۊیە هووکار بەسیان ریەیلە و پەکخستن مەکتەوەیل و وسیان کار قەتارەیل.
وەگورەی خود سەرچەوەگە، یە جۊر خراوترین شەپۆل یەخە ک لە ساڵ ١٩٥١ دەێدە وڵات چین.
جی باسە ک یەخەگە وەناکاوی وەرجە وەخت خوەی داوەزیا، هەمیش رخیگ لە کەم رەسین گاز و خوەراک هەس.
