هاکەرەیل چینی کۆمپانیای دەرمان و تەکنەلۆجیای ئەلمانیا کەنە ئامانج
شەفەق نیوز/ ئۆفیس فیدڕاڵی ئەڵمانیا ئەرا مقەیەتیکردن دەستوور راگەیان گروپ هاکەرەیل چینی APT 27 ک لەزۊیەو گومان لەلیانکریەێد پەڵامار ئەلکترۆنی بکەنە بان حکومەتەیل وڵاتەیل خوەرئاوا، کۆمپانیای دەرمان و تەکنەلۆجیای ئەڵمانیا کردنەسە ئامانج.
وتیش وەگەرد دزین نهێنییەیل بازرگانی و موڵک فیکری کۆمپانیایلە، شایەت هاکەرەیل تورەیل بسینەر و وەپیدەر خزمەتگوزارییەیلیش بکەنە ئامانج، یەیش لەوەر ئەوەگ وە یەکجار دزە بکەنە ناو کۆمەڵێک کۆمپانیاوە.
لە ڕاپۆرتە ساڵانەییەگەی ساڵ 2019 ، ئۆفیس فیدڕاڵی ئەڵمانیا ئەرا پاراستن دەستوور ئاماژە وە گروپ APT 27 دایە جۊر گروپیگ هاکەر چینی، لەوباوەرەن دەس دیرن لە ئەنجامدان پەلامارە ئەلیکترۆنیەگەی بان باڵیۆزخانەیل و کەرتە هەستیارەیل.
لە ساڵ گوزەشتە ئەمەریکا و هاوپەیمانەیل چین تۆمەتبارکردن وە تۆمەت ئەنجامدان هەڵمەت پەلامارداین ئەلیکترۆنی جەهانی، باوجی چین ئەو تۆمەتەیلە رەد کردیە.
