مزگانییگ لە تەندروسی جەهانی.. باوجی هووشدارییش خاسە

شەفەق نیوز/ ریخریاگ تەندروسی جەهانی وت: تۊشهاتن و مردنەیل وە ڤایرۆس کۆرۆنا، ئەرا سێیەم هەفتەس لەشۊن یەک داوەزێد، ک ئەوە هیشت ئاستەیل چەودێریکردن و وەشکین کەمەو بوود.    

تەندروسی جەهانی لە نووترین راپۆرتەیل هەفتانەی لە پەتای کۆرۆنا وت: زیاتر لە ٧ مەلیۆن تۊشهاتن نوو خەوریان رەسیە، ک وەئاست ٢٤ لەسەد وەچەو هەفتەی گوزەشتە داوەزیاس.   و شمارەیل هەفتانەی مردنەیل کۆڕۆنای جەهانی وە ئاست ١٨ لەسەد داوەزیا، تا بڕەسێدە زیاتر لە ٢٢ هەزار مردن. 

تەندروسی جەهانی وتیش " ئی داوەزینە بایەتە وە هووشیاری لەلی بڕەسیمنەو، ک فرە لەو دەوڵەتەیلە ک کەمەوبۊن لە تۊشهاتنەیل ڤایرۆسەگە وەخوەیان دین، ستراتیژ وەشکینیان ئاڵشت کردن، ک وەیجۊرە شمارەیلیگ کەمتر لە تۊشهاتنەیل لەلایان دەرکەفێد.  

ریخریایەگە وتیش: دیرێد لە نزیکەو چەودیری ئاڵشتبۊ ئۆمیکرۆن کەێد.