ئەڵمانیا وەکارهاوردن پاچینەی کارەبایی وسنێد
شەفەق نیوز/ رووژنامەی ئەڵمانی “بیڵد” بڵاوکردیە، وە مدووی کەمەوبوین وزە کارکردن وە پاچینەی کارەبایی لە ئەڵمانیا دەسکریایە کەمەوبوین.
وەپای رووژنامەگە، زنجیرە مۆڵەتەی ساتۆرن و کارستات دەسکردنەس وە وسانن کارەیلیان وە پاچینەی کارەبایی جویر بەشیگ لە ریوشوین پاشکەوتکردن وزە.
دەسگردنە وزەی کارەبا هوکارەگەی کەمەوبوین وزەس ک وە مدووی کەمی رەسین غاز سروشتی لە روسیا ئەرا ئەڵمانیا دروسبویە.
میگیل مۆلینباخ سەرۆک گرووپ “گالێریا كاوفهۆف” وە رووژنامەی “بیڵد”ی راگەیاندیە، “پاشەكەوتكردن وزە لە سیستم رووشنکەر و پاچینەی كارەبایی دەسوەپی کردیمنە”.
ئەو کەمەوبوینە لە رەسین غازی سروشت وە ئەڵمانیا دروسبویە، رخ دروسبوینی قەیران وزەی لای ئەڵمانەگان دروسكردیە و حكومەت ئەڵمانیای ناچاركردیە لە تاوسانەو پلان ئەرا كەموەكارهاوردن وزە دابنەێد، ئەرا ئەوەگ لە زمسان کاریگەری قەیرانەگە سەخترەو نەود.
