میسر.. سزای لەسێدارەدان لەبان ژنیگ شوی و مناڵەیلی ژەهرخوەر کردیە

شەفەق نیوز/ دادگای میسر فەرمان وەسێدارەدان لەبان ژنیگ تەمەن 26 ساڵ دەرکرد تا شوی بکەێدە یارەگەی، شوی  و مناڵەیل خوەی ژەهرخوەر کردیە.

میدیایل راگەیانن بڵاو کردن: "دادگای نەهیشتن تاوان نەگا حەمەدی لە پارێزگای قەنە لە باشوور قاهیرە، سزای لەسێدارەدان  لەبان ژنیگ ماڵ و یارەگەی چەسپان، دوای ئەوەگ رەزامەنی موفتی وەرگردیە".

باس ئەوەیش کریا: "رویداوەگە جەن مانگیگ وەرجەیە بویە، هەناێ خەسەخانەی ناوەندی سەنتەر فەرشوتی ئاگادار کریایە و ک   گەنجیگ لەو ناوچە هاتیەسە ناوی تەمەنی 32 ساڵە، هەرلیوا سێ مناڵیش دویای نووشین شەربەت ژەهراوی و مەوقەی وەرگردن فریاگوزاری سەرەتایی گیانیان لەدەسدانە".

دەسنشاین ئەوەیش دریاگە ک لە لێکۆڵینەوەدا هیزە ئەمنیەیلە  دەرخستنە ک ژن قوربانیەگە و داڵگ مناڵەیل پەیوەندییگ دڵداری وەرد رانندەیگ تەمەن 26 ساڵان بویە و مناڵەیلی و شویەگەی ژەهرخوەر کردیە تا قورتار بوون  و شوی بکەێدە یارەگەی.

هەرلیوا، رووشن کریاگە: "لە رویوەرویبوین توومەتبارەیل، دانیان وە  پەیوەندییگ نایاسایی لە ناوبەینیان نانە، و کەینوبەین لەبان قورتاربوین لە شوی و مناڵەیل، ئەراوە یارەگەی مادەیگ ژەهراوی هاوردیە و خستیەسە ناو 4 لیوان شەربەت تا  ژنەگە بەێدەی  قوربانیەیل".