لانجیا.. ڤایرۆس بکوش نوویگ لە چین دەرچوود

شەفەق نیوز/ وەزارەت تەندروسی وڵات چین، ئمڕوو چوارشەممە، ٣٦ تویشهاتن وە ڤایرۆس لانجیا توومار کرد، ک ئەوەیش پەتای بکوش نوویگە، لە کۆڕۆنا کەمتر نییە.  

لانجیا، یەکیگە لەو ڤایرۆسەیلە ک سێ بەش مەردم کوشێد ئەگەر تویشهاتنەگە سەخت بوود.  

زانایل ئویشن ئاژەڵیگ هەس لە بنچینەیل ژوژو، سەرچەوەی ئی بیماریەسە، و تویشهاتنە نوویەیل ک لە ناوچەیل خنان وشاندۆنگ لە خوەرهەڵات چین پەیا کریان، نەڕەسینە مردن، وفرەیان نشانەیلی جویر هەڵامەت بویە. 

زانایلە لە پەیامنگای پەکین کەفتنە شوین نشانەیل لەلای بیمارەیل، تا زیاتر لە ڤایرۆس لانجیا بزانن.     

زانایل چین رەسینە ئەوە ک ڤایرۆسەگە لەلای ئەو ئاژەڵە (زباب) هەس ک مینێدە مویش، و لەناوچەیل ئیمە فرە دەگمەنە.