لافاویگ لە ئانتالیای تورکیا ک ماوەی 50 ساڵە لەیجویرە وەخوەی نەیە
2022-12-12T08:41:18+00:00
شەفەق نیوز/ وارانەگەی دویەشەو رێژەگەی زیایەوکرد ئاڵشتبوی ئەرا لافاو لە ناوچەی کوملوکا و فینیک لە ئەنتالیا ک ماوەی 50 ساڵە شارەیل تورکیا وەیجویرە وەخوەیان نەینە.
لە کوملوکا وە تایبەت نهۆم خوارە و ژیرزەمینەیل فرەیگ لە ماڵەیل نوقومکردیە، و زەرەد رەسانیە وە ماشینەیل، وەهووکار ماڵینیان وەگەرد تەکان ئاو لافاوە تونەگەی جویگەیلە.
سەرۆک شارەوانی کوملوکا، موستەفا کویولو راگەیان گەرمکەرەوەیل کشاوەرزی ناوچەگە ک ناوەند بەرهەمهاوردن گەرمکەوەیلە زەرەد وەپی رەسیە، وتیش:" ماوەی 50 ساڵە وەی جویرە وەخوەی نەیە، لەناکاو ئاوەگە بەرزەوبویە ماشینەیل نوقومکردیە، ئیمە هایمنە ئامادەباشی".
وتیش" سەرەرای تەقەلایەیلمان نیەتوەنیمن کۆنترۆڵ بارودۆخەگە بکەێمن، من فرە وە داخەوەم ئەراوەی لە ناوچەگەمان رویدایە، توایمن ئاگادار هاوڵاتیەیل بکەیمن ئاگاداربوون تا رویداو گیان لە دەسدان نەکەفێدەو".
ئمروو دووشەممە دەرەیل مەکتەوەیل بەسیا لەوەر ئەو لافاوەیل ناوچەیل کوملوکا و فینیک لە ئانتالیای تورکیا گردیە.
