لەدویای زەویلەرزەگە ئاو و لافاو تورکیا ماڵێد
2023-03-16T14:54:14+00:00
شەفەق نیوز/ لەدویای ئەوەگ لە کوردستان باکوور و بەشیگ تورکیا سەدان کەس بوینە قوربانی ماڵ و بینا رمیاگەیل، دویکەیش وە هووکار لافاو لە بەشیگ لەو ناوچە زەرەد دیەیلە دەیان کەس ترەک بوینە قوربانی.
وەزیری ناوخوەی تورکیا سلێمان سۆیلۆ وە میدیایەیل ناوخوەیی تورکیا راگەیاندووی ، ئەو ناوچەیلە ک وە هووکار زەویلەرزەگەی ٦ شوبات زەرەر دینە، واران فرەیگ لەلی واریە و لە هەر یەک لە ولایەتەیل شانلی و ئۆرفە و ئادی یەمان و ملاتیە ئاو بەرزەو بویە و لافاو دروسکردیە.
سۆیلۆ راگەیانیە، شمارەی قوربانیەیل لافاوەگە ئەرا زیاتر لە 20 کەس بەرزەو بویە، لافاو ماشین و کەلوپەلەیل مەردم ماڵیە و وەگەرد خوەی بردەیان.
