ئیسرائیل ئویشێد بومباران کاروانیگ بارهەڵگەر لەبان سنوور سوریا و عراق کردگە
2022-12-14T10:13:20+00:00
شەفەق نیوز/ ئەفیف کوخافی سەرۆک ئەرکان سوپای ئیسرائیل، ئمڕوو چوارشەممە، وت: وڵاتەگەی لەمانگ گوزەشتە، بومباران کاروانیگ بارهەڵگەر وە درویژی سنوور سوریا و عراق کردیە ک چەک هەڵگردگە.
وەگورەی راپۆرتەیل ئەو ماوە، کاروانەگە چەک ئیرانی بار کردگە، و مەزەنە کریاگە مووشەک وەهیز لەناوی بویە، ک لە عراق وەرەو سوریا بریاگە، و نزیکەی ١٢ لە سوپای پاسداران ئیرانی و هیزەیلیگ سەروە ئیران کوشتگە.
کوخافی لەناو کۆنگرەیگ لە زانکۆی "رايشمان" وت: سوپای ئیسرائیل زانیاری هەواڵگری تەواویگ دیرێد ئەرا پەلاماردان ماشین باهەڵگر شمارە ٨ لە کاروانیگ ٢٥ بارهەڵگر، چوینکە زانێد ئی بارهەڵگرە چەک ئیرانی هەڵگردیە.
وەگورەی "جيروزاليم پۆست" کوخافی وتیش: ئیران جاروبار لە قاچاخکردن چەک ئەرا سوریا و حزبولڵای لوبنان سەرکەفتیە.
