زیاتر لە نیم مەلیۆن هیندی زەرمەن لافاو بوون

 زیاتر لە نیم مەلیۆن هیندی زەرمەن لافاو بوون
2022-05-18T10:07:30+00:00

شەفەق نیوز/ دەسەڵاتەیل هیندستان، ئمڕوو چوارشەممە، وتن: زیاتر لە نیم مەلیۆن کەس لەلای کەمەو لە ماڵ خوەیان لە ویلایەت ئاسام بان گرتنەوەر، لەرخ ئەو لافاوەیل تونە ک دویای واران رفتیگ روی کردە ئەو ناوە و بویە هووکار خنکیان ٧ کەس. 

دەسەڵاتەیل هیندستان لە ویلایەت ئاسام لە باکوور خوەرهەڵات هیند، هوشداری کردن ک هاتێ لافاوەگە زیاترەو بوود. 

چەم  "براهمابوترا" ک یەکیگە لە گەورەترین چەمەیل جەهان ک تا بەنگلادیش رەسێد، یە سێ رووژە لافاو هەردوگ کناری تیەێدە بان، و زیاتر لە ١٥٠٠ ئاوای نقوم کرد.   

وارانە رفتەیل ناوچەیل فرەیگ لە ویلایەتەگە خویسان، و ئمڕوویش وەردەوام بوی، وەگەرد مەزەنەی وەردەوامیی ئەرا دوو رووژ بانان.    

بیگوش هازاریکا وەزیر سامانەیل ئاو لە ویلایەت ئاسام ئەرا ئاژانس رۆیتەرز وت: زیاتر لە ٥٠٠ هەزار کەس زەرەدمەن بوی. 

وتیش: لافاوەیلە هەر ساعەتیگ زیاترەو بوون، و ٧ کەسیش لەی سێ رووژ گوزەشتە خنکیانە.

Shafaq Live
Shafaq Live