ئیران دەسگیرکردن کەسەیلیگ وەتوومەت سیخوڕی ئەرا مۆساد راگەینێد

شەفەق نیوز/  بانگەشەکەر گشتی پارێزگای سیستان وبلوجستان ئیران، ئمڕوو سێشەممە، هویردەکاری دەسگیرکردن کەسەیلیگ راگەیان ک وت؛ سیخوڕی ئەرا دەزگای هەواڵگری ئیسرائیل "مۆساد" کردنە.  

ئاژانس میهر ئێرانی لە زوان مەهدی شەمس ئابادی بانگەشەکەر گشتی لە زەهدان  وت: هاووڕیەیلمان لە وەڕێەوبەرایەتی ئاسایش، ئەرا نزیکەی هەیشت مانگ لە نزیکەو چەودیری کردن، ک کوشتن زانایل ئەتۆمییش لەناو خشتەیل کارەیل ئی کەسەیلە بویە. 

وتیش: وە سەرپەرشتی هەواڵگری وەتوانا، ئەندامەیل شانەگە ناسریان، و لە پارێزگایل جیاجیا دەسگیر کریان، وبەڵگەیل فرەیگ لەبان ئی کەسەیلە هەس تا رادەیگ ک ناڕازی وە فەرمان دەسگیرکردنیان نەوین. 

شەمس وتیش: باوەتەگە ئیسە هاناو لێکۆڵینەوەی سەرەتایی، و ئەوەسا لیست توومەتەگە دەرکریەێد ووەی نزیکە ئەرا دادگا کلی کریەێد.